Лаксигал-Тева

• іш қатуда (жуан ішектің физиологиялық ырғағын реттеу)
• медициналық мақсатта нәжістің жұмсаруын қажет ететін жағдайларда (геморрой, тоқ ішекке және перианальді аумаққа жасалған операциядан кейінгі жағдайлар)
• бауыр энцефалопатиясында

Тәуліктік дозаны өлшеуіш қалпақшаны пайдалана отырып, бір рет немесе екі ретке бөліп қабылдауға болады. Ем басталғаннан кейін бірнеше күннен соң емдік тиімділігіне қарай демеуші дозаға көшуге болады. Емдiк әсерiнiң дамуы үшін 2-3 күн қажет етілуі мүмкін. 

Бауыр энцефалопатиясын (тек ересектерде) емдеу үшін

Бастапқы доза 7,5-15 мл-ден тәулігіне 3-4 рет. Содан соң күніне 2-3 рет жұмсақ нәжіс пайда болғанша демеуші дозаға көше отырып, дозаны тәулігіне 3-4 рет 30-45 мл дейін бiртiндеп арттырады.

Қолдану тәсілі

Шәрбатты сұйылтпай немесе сұйылтып қабылдауға болады. Бір реттік дозаны ауызда ұзақ уақыт ұстамай, бірден жұтқан жөн. Препаратты қолдану тәсілін пациенттің жекелей қажеттіліктеріне қарай таңдайды. 

Егер препаратты бір рет қабылдау ұсынылған болса, онда тәуліктік дозаны ұдайы бір ғана уақытта, мысалы таңғы астан кейін қабылдау керек. Іш жүргізетін дәрілерді қабылдау кезеңінде жеткілікті мөлшерде, күніне 1.5-2.0 л сұйықтық немесе 6-8 стаканға дейін су ішу ұсынылады.

Іш жүргізетін әсері 2-10 сағаттан кейін білінуі мүмкін.

Иммундық жүйе тарапынан бұзылулар

Белгісіз

- аса жоғары сезімталдық реакциялары

Зат алмасу мен тамақтанудың бұзылулары

Жиі

- гипернатриемия (бауыр энцефалопатиясында)

Жиі емес

- су-электролит теңгерімсіздігі (диареяға байланысты)

Асқазан-ішек жолы тарапынан бұзылулар

Өте жиі

- диарея (жоғарғы дозаларды қолданғанда)

Жиі

- метеоризм, жүрек айнуы, құсу, іштің ауыруы

Тері және тері асты тіндері тарапынан бұзылулар

Белгісіз

- бөртпе, қышыну, есекжем

Күмәнді жағымсыз реакциялар туралы хабарлама 

ДП «пайда - қауіп» арақатынасына үздіксіз мониторинг жүргізуді қамтамасыз ету мақсатында ДП тіркегеннен кейін күдікті жағымсыз реакциялар туралы хабарлау маңызды. Медицина қызметкерлеріне ДП кез келген күмәнді жағымсыз реакциялары туралы ҚР жағымсыз реакциялар туралы жариялаудың ұлттық жүйесі арқылы хабарлау ұсынылады. 

«Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

100 мл препараттың құрамында

белсенді заттар:132,00 г 50% лактулоза.